Saen á venda as entradas para o SonRías Baixas 2022

SonRías Baixas vén de activar a venda de billetes para a súa nova edición, que terá lugar os días 4, 5 e 6 de agosto de 2022. As entradas poden conseguirse na páxina web oficial do festival. Os abonos pódense comprar por 45 euros máis gastos de xestión. O prezo é exclusivo dun número limitado de entradas, con motivo do lanzamento das primeiras confirmacións do festival.

Ademais, as entradas da edición do 2020, que foi cancelada pola pandemia, son válidas para o SonRías deste verán, xa que recupera o seu formato habitual.

O rapeiro Kase.O xunto a súa banda Jazz Magnetism. Fotografía: Marcos Cebrián.

As primeiras confirmacións do festival foron Kase.O, Rayden, Arnau Griso, Buhos, García Mc e Balkan Paradise Orchestra. Se queres saber como soan, non te perdas o noso post.