Verbena e degustación de sidra nas Festas de Santa Ifigenia

Bueu comezou onte tres días de celebracións na honra de Santa Ifigenia, despois de dous anos condicionados pola pandemia. O bo ambiente invadiu xa onte a Banda do Río, cun público entregado na verbena amenizada polas orquestras Marbella e América de Vigo. Os festexos continuaron esta mañá coa degustación de sidra gratuíta na Banda do Río acompañada da música da charanga Fanfarria Furruxa.

• 

• 

Degustación de sidra na Banda do Río amenizada pola charanga.

Esta noite serán as orquestras La Ola ADN e La Oca Band as encargadas de animar ao público asistente á verbena. Ademais, tamén están instaladas diversas atraccións na zona.

Xa o domingo, comezarán os actos relixiosos no adro da capela do pazo de Santa Cruz, cunha primeira misa ás 10.30 horas. A partir das 11.00 horas abrirán os postos de venda para a degustación de sidra artesanal. O segundo acto relixioso terá lugar ás 13.00 horas, coa misa solemne e a procesión.

O peche ás celebracións será cun concerto ás 18.00 horas da Banda de Música Artística de Bueu e coa verbena nocturna da orquestra París de Noia.